كان نفسي أكون ريشة
كتير قوى ببقا نفسي أكون ريشة بيضا خفيفة ظريفة لطيفة نسمة تحدفها وحبة هوا تطيراني
ألف الدنيا .. كل الدنيا واقف على جذع شجرة ومع النسمة الجاية أطير تانى في ثانية وكل مرة بسمع فيها أغنية سعد عبد الوهاب الدنيا ريشة في هوا أحس اد أية الراجل دا كان عنده حق يسلام لو كان الواحد فينا ريشة مكنش اتبهدل كدا مكنتش هشيل هم اى حاجة وهشيل هم ازاى وأنا ريشة وحاجات كتير مكنتش هتبقى مطلوبة منه يا بختك يلا أتخلقت ريشة وبس بقا اسكتوا شوية محدش يتكلم ششششش انا حاسس أنى فعلا بقيت ريشة إحساس جميل اية الخفة دى أية الرقة دى اية الحرية دى طاير طاير هنا شوية وهنا شوية حبة فوق وحبة تحت تحب تطير غمض عينك خمس دقائق في صمت واسرح وتخيل وركز وقولي شوفت أية .
الاشتراك في:
تعليقات الرسالة (Atom)
ليست هناك تعليقات:
إرسال تعليق