قطرات الندى
حد جرب مرة يقوم يصلى الفجر ..؟
طبعا كتير !!!!
طب جربت بقا بعد صلاة الفجر تطلع فوق سطوح بيتكو وتاخد المصلية معاك وتمد أيدك لربنا وتدعى وتستغفر وأنت باصص للسما قبل شروق الشمس وقبل طلوع النهار ؟؟؟
أية فينك مش سامع صوتك ليه ..؟
تبقى مجربتش
طب لو مجربتش أنصحك جرب ومش هتخسر دا إحساس ميفوتكش تخيل كدا نفسك فى صمت وهدوء وخلاء فى موعد مع من ..؟؟
رب الكون الرحمن الحنان المنان ذا الجلال والإكرام
تفضفض معاه وتحكيلو وتشكيلو وتبكى فى حضنه وتشكره والشمس تشرق تلائيك مع ربنا والليل قبل ما يروح يسيبك مع ربنا وتتساقط قطرات الندى على جبينك ووجهك وتسمع صوت الكروان بيضحكلك ونور النهار ينور قلبك وتغسل ايدك وقلبك وذنوبك بقطرات الندى
تصبح ع الطيور وتسقى الزهور وتنزل تصلى الضحى وتنام سعتين قبل الشغل مستور ومن ذنبوك مغفور ان شاء الله اعتبرها ساعة صفا ونقاء بس اهم شي الإتقان والإخلاص وانتظر النتيجة وشوف بنفسك طعم التغير وقولي ..؟
الاشتراك في:
تعليقات الرسالة (Atom)
ليست هناك تعليقات:
إرسال تعليق