فول بالقشطه
حد قبل كدا آكل فول بالقشطة ..؟
في الحقيقة أنا مش عارف هو دا اختراعي ولا في حد غيري بيعمل كدا على العموم كل ال يعرف الموضوع دا يقول عليه عك رغم انه طعمه حكاية بحبة جدا اخر حاجة وعشان كدا هقولكم على الطريقة وادعولى فزيع ... تحفه
شوفوا بقا حد يروح للراجل بتاع الفول ويقوله عايز بجنية وربع فول وش قدره ميه قليلة سخن موحوح وتروح بيه وتجيبو طبق غويط شوية وتحط فيه شوية زيت عباد الشمس وكمان وملح وشطة ونص ليمونه وشوية طحنية وحوالى 3 معالق قشطة لبانى سايحة طازة من على وش اللبن وتقلب كدل دا كويس قوى وممكن طبعا طماطماية تقطع قطع صغنطاطه وقرن فلفل اخضر وبعد التقليب الجيد ضيف الفول وقلب كويس وبعد كدا اقلبه فى طبق تانى مسطح وممكن تضيف على الوجه كدا شخبطة طحينة بيبقى شكله وطعمة حلو جدا وبالهنا والشفا
ممكن ادوق ..؟
ملحوظة .. انا غير مسئول عن اى عواقب بس متخفش جامد والهى جدا
الاشتراك في:
تعليقات الرسالة (Atom)
ليست هناك تعليقات:
إرسال تعليق