منها لله الحفاضات
عايز أقول على سر بس مش عايز حد يضحك عليا .. اتفقنا
طبعا كلكو هتقولو متخفششش السر فى بيييييييييييير
ويطلع البير مخروم ف الاخر
بس السر ملح عليا قوى هقولو وامرئ لله
زمان كنت اسمع وأشوف الأفلام ان اى حد يشيل طفل صغير بيبى يعنى
كان لازم ودائما يعملها عليه وكان يضحكو كلهم طبعا معدا ال شايل الطفل ويقولوا بقا دا خير هتتكسى والكلام دا
وبصراحة أول ماجت بنت اختى كان نفسي أحس الإحساس دا وكنت بشلها كتير وأفضل العبها انها تعلها عليا ابدا !!!
طبعا دا هيحصل ازاى اليومين دول فى ظل غياب الكفولة ووجود الحافضات الصناعية حاجة غريبة جدا بس كان نفسي أحس الإحساس دا وكنت عايز اعرف هما بيضحكو ليه وأنا ليه هتضايق وكمان كان نفسي أغلس عليها لما تكبر وأفضل أقولها انتى كبرتى ولا اية دا انتى يا عملتيها على ايدى وانتى صغيرة وهى وشها يحمر ويجيب الوان الطيف من الكسوف او حتى افتكر الموقف دا بيني وبين نفسي لما أشوفها عروسة واضحك
دلوقت اغلس عليها انا بقا ازاى لما تكبر ..؟
مهى بنت الكلب معملتهاش عليا !!
الاشتراك في:
تعليقات الرسالة (Atom)
ليست هناك تعليقات:
إرسال تعليق